कैलालीमा लागूऔषधसहित २ जना युवक पक्राउ 

अत्तरिया: कैलालीमा लागूऔषधसहित २ जना युवक पक्राउ परेका छन् ।

जिल्लाको  जानकी गाउँपालिका-३ नयाँ लायकपुरबाट लागूऔषधसहित २ जना युवक पक्राउ परेका हुन । १ ग्राम ३ सय ४० मिलिग्राम लागूऔषधसहित २ जनालाई मंगलबार दिउँसो प्रहरीले पक्राउ गरेको हो ।

पक्राउ पर्नेहरूमा सोही ठाउँ बस्ने २७ वर्षीय भुवन कठरिया र ३५ वर्षीय राजु चौधरी रहेका छन् । इलाका प्रहरी कार्यालय टीकापुरबाट खटिएको प्रहरी टाेलीले उनीहरूलाई उक्त पदार्थसहित पक्राउ गरेको हो । यस विषयमा थप अनुसन्धान भइरहेकाे प्रहरीले जानकारी गराएको छ ।