महेन्द्रनगर: कञ्चनपुरमा लागूऔषधको समस्य विकराल बन्दै गएको छ । जिल्ला प्रहरी कार्यालयका प्रमुख प्रहरी उपरीक्षक खड्कबहादुर खत्रीले अहिलेको मुख्य समस्या भनेको लागूऔषध नै भएको बताए ।
यसको रोकथामका लागि प्रहरी निर्मम भएर लागेको उनले बताएका हुन । “भारतसँगको खुल्ला सीमानाकाका कारण चुनौतीपूर्ण छ ।” जिल्ला प्रहरी कार्यालयको तथ्याङ्कअनुसार आर्थिक वर्ष २०७९/८० मा लागूऔषधका १५१ मुद्दा दर्ता भएका छन भने २९३ जना पक्राउ परेका छन् ।
त्यसैगरी, आर्थिक वर्ष २०८०/८१ मा १८१ मुद्दा दर्ता भएका छन भने २८७ जना पक्राउ परेका छन् । त्यसैगरी आर्थिक वर्ष २०८१/८२ मा १७७ मुद्दा दर्ता भएका छन भने २६५ जना पक्राउ परेका छन् ।
यस्तै कञ्चनपुरमा एक वर्षमा ६ करोड ३७ लाखको अवैध सामान बरामद गरिएको छ । प्रहरीले आर्थिक वर्ष २०८०/८१ मा ६ करोड ३७ लाख ८५ हजार ५१९ मुल्य बराबरको अवैध समान नियन्त्रणमा लिएको छ। आर्थिक वर्ष २०८१/८२ मा ७ करोड ३९ हजार ५४७ बराबरको भन्सार चोरीछलीको समान बरामद गरिएको छ ।
गत वर्ष ६ जनासहित ९७ सवारीसाधन बरामद गरिएको थियो । यस्तै अवैध नदी खोला उत्खनन गर्ने ट्याक्टर नियन्त्रणमा लिएर ११ लाख ८५ हजार जरिबाना असुल गरिएको प्रहरीले जनाएको छ ।
यसका साथै मादक पदार्थ सेवन गरेर सवारीसाधन चलाउने चालकमाथि कारबाही गरेर एक लाख ७४ हजार जरिबानाबाट राजस्व असुल भएको प्रहरीको अभिलेख छ।
प्रतिक्रिया दिनुहोस