अत्तरिया: ७ वर्षअघि कैलालीको गोदावरीमा घोषणा गरिएको स्थायी राजधानी कार्यान्वयन गर्न आवश्यक सहयोग गरिदिन भन्दै प्रधानमन्त्रीलाई ज्ञापनपत्र बुझाइएको ।
हिजो प्रधानमन्त्री केपी शर्मा ओलीलाई उनका स्वकिय सचिव मार्फत गोदावरीमा राजधानी कार्यान्वयनको माग गर्दै ज्ञापनपत्र बुझाइएको हो ।
जय गोदावरी स्वतन्त्र नागरिक अभियानले २०७५ असोज १२ गते प्रदेश सभाको बहुमतबाट गोदावरीमा स्थायी राजधानी घोषणा गरेको भए पनि अहिलेसम्म कार्यान्वयन हुन नसकेको विषयमा प्रधानमन्त्रीकाे ध्यानाकर्षण गराएको छ ।
साथै राजधानी अन्यत्र सार्ने कुनै पनि किसमको प्रयास नगरियोस्, जनभावना र संबैधानिक निर्णयको सम्मान गरियोस् भन्दै सो अभियानले प्रधानमन्त्रीलाई ध्यानाकर्षण गराएको हो ।
सो अभियानका संयोजक धनबहादुर बोगटीले हिजो प्रधानमन्त्री ज्यु कैलालीको चिसापानी-कर्णाली आइपुगेको अवसरमा आफुहरू त्यहीँ पुगेर ज्ञापनपत्र बुझाएको बताए। बोगटीसंगै ज्ञापनपत्र बुझाउन राजन खड्का र शंकर खड्का लगायतको टोली पनि सहभागी थियोे ।
प्रतिक्रिया दिनुहोस