कैलालीबाट एक महिलासहित तीन जना पक्राउ 

धनगढीः कैलालीबाट एक महिलासहित तीन जना पक्राउ परेका छन् ।

जिल्लाको घोडाघोडी नगरपालिका-९ का ४५ वर्षीय मानसिंह बटला, ४२ वर्षीया निरादेवी मगर र ४६ वर्षीय देबबहादुर चौधरी पक्राउ परेका हुन । यी तीनै जना वन मुद्दाका फरार दोषी हुन ।

जिल्ला अदालत कैलालीले २०८१ भदौ १८ गते बिना इजाजत वन पैदावार मुद्दामा जनही १ लाख २५ हजार ४६३ जरिबाना तोकिएपछि तीनै जना फरार रहेका थिए ।

इलाका प्रहरी कार्यालय सुखडबाट खटिएको प्रहरी टोलीले शुक्रवार पहलमानपुर बजारबाट उनीहरुलाई पक्राउ गरेको थियो ।