दोधारा-चाँदनी: कञ्चनपुरस्थित महाकाली नदीमा पानीको बहाव बढेपछि शारदा ब्यारेजमा चारपाङ्ग्रे सवारीसाधन आवजवाजतमा रोक लगाइएको छ ।
लगातारको वर्षापछि महाकालीमा पानीको सतह बढेपछि चारपाङ्ग्रे सवारीसाधनमा रोक लगाइएको जिल्ला प्रहरी कार्यालय कञ्चनपुरका सूचना अधिकारी प्रहरी नायव उपरीक्षक सागर बोहराले जानकारी दिए ।
“महाकालीमा पानीको बहाव १ लाख क्युसेक पुगेपछि आवागमनमा रोक लगाइन्छ‚” उनले भने‚ “महाकाली नदीमा पानीको बहाव १ लाख क्युसेक पुगेपछि चारपाङ्ग्रे सवारीमा रोक लगाइन्छ ।”
उनका अनुसार आज विहान ८ बजे महाकालीमा पानीको बहावले १ लाख ९ हजार ९८० क्यूसेक नाघेपछि आवागमनमा रोक लगाइएको हो । -रासस
प्रतिक्रिया दिनुहोस