कञ्चनपुर: कञ्चनपुरमा एक महिला मृत अवस्थामा फेला परेकी छन् । आइतवार जिल्लाको बेलडाँडी गाउँपालिका-२ सिंहपाल टोलकी सम्झना भट्ट मृत अवस्थामा फेला परेकी हुन् ।
सम्झनाकाे शरीरमा घाउ चोट देखिएपछि उनका श्रीमान पवन भट्टलाई नियन्त्रणमा लिएको प्रहरीले जनाएको छ ।
सोधपुछका लागि पवनलाई नियन्त्रणमा लिइएको जिल्ला प्रहरी कार्यालय कञ्चनपुरका प्रवक्ता एवम् प्रहरी नायब उपरीक्षक सागर बोहराले बताए ।
सम्झनाको शङ्कास्पद मृत्यु भएकाले निष्पक्ष छानबिन गरी दोषीउपर कारबाहीको माग गरिएको छ । घटनाकाे विषयमा सुक्ष्म रूपमा अनुसन्धान भइरहेको प्रहरीले बताएको छ ।
प्रतिक्रिया दिनुहोस