मोटरसाइकल दुर्घटना हुंदा डडेल्धुरामा एक जनाको मृत्यु 



डडेल्धुरा: डडेलधुरामा मोटरसाइकल दुर्घटनामा एक जनाको मृत्यु भएको छ । जिल्लाको अजयमेरु गाउँपालिकामा मोटरसाइकल दुर्घटनामा परी एक जनाको मृत्यु भएको हो । सोमबार साँझ अजयमेरु गाउँपालिका–२ का करिब ४५ वर्षीय गणेश भट्टको दुर्घटनामा परेर ज्यान गएको हो ।

घरतर्फ जाँदै गरेका उनी सवार मोटरसाइकल अजयमेरु गाउँपालिका–१, पुइलेक कासिपुरस्थित सडकको घुम्तिमा पुग्दा अनियन्त्रित भई करिब ५० मिटर तल खसेको थियो । उनी सवार मोटरसाइकलको नम्बर प्लेट थिएन भने रातो रंगको पल्सर मोटरसाइकल रहेको प्रहरीले जनाएको छ।

दुर्घटनापछि प्रहरी टोली घटनास्थलमा पुगेर गम्भीर घाइते भएका भट्टलाई तत्काल उद्धार गरी डडेलधुरा अस्पताल ल्याइएको थियो । तर अस्पतालमा उपचारको क्रममा साँझ ७ः३० बजे उनको मृत्यु भएको हो ।

प्रहरीका अनुसार मोटरसाइकलको गति, सडकको अवस्था र भौगोलिक बनोटले दुर्घटनामा भूमिका खेलेको प्रारम्भिक अनुमान गरिएको छ । उक्त दुर्घटनासम्बन्धी थप अनुसन्धान जारी रहेको जिल्ला प्रहरी कार्यालय डडेलधुराले जनाएको छ ।

गड्डाचौकी–अत्तरिया सडक स्तरोन्नी गर्न अनुगमन

महेन्द्रनगरः गड्डाचौकी–अत्तरिया सडक स्तरोन्नी गरिने भएको छ। सो सडकलाई चार

कैलालीको गौरीफन्टा नाकाबाट समातिए ५२ तोला सुन र ७८० ग्राम चाँदीसहित ४ जना नेपाली

धनगढी: कैलालीको गौरीफन्टा नाकाबाट ५२ तोला सुन र झण्डै एक

धनगढीका ८७ घरधुरी जोखिममा, इन्धन डिपो अन्तै सार्न ज्ञापनपत्र

धनगढीः कैलालीको धनगढीमा मुख्य गरी ८७ घरधुरी जोखिममा छन्। बिच

७ अर्वमा बन्दैछ सुदूरपश्चिममा आईसीपी, अनि खुल्नेछ ‘व्यापारको ढोका’

अत्तरिया: सुदूरपश्चिमलाई भारतका ठुला औद्योगिक क्षेत्रसँग जोड्न एकीकृत जाँच चौकी

कैलालीमा लागुऔषधसहित ८ जना युवक पक्राउ

धनगढी: कैलालीमा लागुऔषधसहित ८ जना युवक पक्राउ परेका छन्। जिल्लाका