कञ्चनपुर: कञ्चनपुरमा बहुविवाह गरेर फरार भएका एक जना पक्राउ परेका छन् । घरमा पत्नी हुंदाहुंदै अर्को बिवाह गर्ने फरार प्रतिवादी पक्राउ परेका हुन ।
जिल्लाको बेलौरी नगरपालिका–२ का ४७ वर्षीय मानबहादुर चौधरी बहुविवाह गरेर फरार भएका थिए । चौधरीले बहुविवाह गरेपछि जिल्ला अदालत कञ्चनपुरमा मुद्दा दायर गरिएको थियो ।
त्यसपछि अदालतले चौधरीलाई बहुविवाह मुद्दामा १ वर्ष ६ महिना कैद सजाय तोकेको थियो । तर उनी फरार भएका थिए । ४७ वर्षीय चौधरीलाई पक्राउ गरिएको जिल्ला प्रहरी कार्यालय कञ्चनपुरले जनाएको छ ।
यस्तै सवारी ज्यान मुद्दामा फरार दोषी पनि पक्राउ परेका छन् । ६ महिना कैद सजाय र २ हजार जरिबाना तोकिएका दोधारा-चाँदनी नगरपालिका–१० का २० वर्षीय जयसिंह बुढामगर पक्राउ परेका हुन ।
जिल्ला अदालत कञ्चनपुरले उनलाई सवारी ज्यान मुद्दामा दोषी ठहर गरेको थियोे । दोषी ठहर भएका दुबै जनालाई मंगलवार जिल्ला प्रहरी कार्यालय कञ्चनपुरबाट खटिएको प्रहरी टोलीले पक्राउ गरेको हो ।
प्रतिक्रिया दिनुहोस