अत्तरिया: कैलालीको धनगढीबाट सशस्त्र प्रहरी बलले २५ लाखको मुल्यको अबैध कपडा बरामद गरेको छ ।
सशस्त्र प्रहरी बल, नेपाल नम्बर ३४ गण हेडक्वाटर कैलालीले २५ लाख भन्दा बढी मुल्यको अबैध कपडा बरामद गरेको हो ।
धनगढी उप-महानगरपालिका खेदाघाट भन्ने स्थानमा गोठ जस्तो छाप्रोमा हिजो राति बिशेष सूचनाको आधारमा अवैध कपडा बरामद गरिएको सशस्त्र प्रहरी बलले जनाएको छ ।
सशस्त्र प्रहरी बल नेपाल नम्बर ३४ गण हेडक्वाटर कैलालीबाट सशस्त्र प्रहरी उपरीक्षक सुरेन्द्रराज रञ्जितको कमाण्डमा खटिएको ३१ जनाको टोलीले गोठ जस्तो छाप्रोमा लुकाई राखेको अवस्थामा लेडिज सुट, साडी, कुर्ता सुरुवाल, थानको कपडा र बच्चाको कपडा गरी २४ गाठ कपडा बरामद गरेर कैलाली भन्सार कार्यालय धनगढीलाई बुझाएको छ ।
प्रतिक्रिया दिनुहोस