कञ्चनपुरः बहुविवाह गरेर फरार भएका दुई जना कञ्चनपुर र अछामबाट पक्राउ परेका छन् । बहुविवाह मुद्दामा फरार दुबै जनालाई कञ्चनपुर र अछामबाट पक्राउ गरिएको प्रहरीले जनाएको छ ।
जिल्ला अदालत कञ्चनपुरबाट बहुविवाह मुद्दामा १ वर्ष कैद सजाय र ५ हजार जरिवाना तोकिएका भीमदत्त नगरपालिका–२ उल्टाखामका ४० वर्षीय शंकरदत्त जोशी पक्राउ परेका छन् ।
जोशीलाई जिल्ला प्रहरी कार्यालय कञ्चनपुरबाट खटिएको प्रहरी टोलीले मंगलवार घरबाटै पक्राउ गरेको हो ।
यस्तै जिल्ला अदालत अछामले बहुविवाह मुद्दामा १ वर्ष कैद सजाय र १० हजार जरिवाना तोकेपछि फरार भएका जिल्लाको ढकारी गाउँपालिका–३ का २८ वर्षीय बमबहादुर विक पनि पक्राउ परेका छन् ।
उनलाई जिल्ला प्रहरी कार्यालय अछामबाट खटिएको प्रहरी टोलीले मंगलवार मंगलसैन नगरपालिका–५ मंगलसैन बजारबाट पक्राउ गरेको हो ।
प्रतिक्रिया दिनुहोस