डडेल्धुरामा सुनचाँदी पसलभित्र लागूऔषधको कारोबार, दुई जना पक्राउ 

डडेल्धुराः डडेल्धुरामा सुनचाँदी पसलमा लागूऔषधको कारोबार हुने गरेको पाइएको छ । जिल्लाको अमरगढी नगरपालिका–५ बागबजारस्थित भैरव नवदुर्गा सुनचाँदी पसलमा लागूऔषधको कारोबार हुने गरेको पाइएको हो ।

गोप्य सूचनाका आधारमा प्रहरीले सोमबार बेलुकी चेकजाँच गर्दा पसल सञ्चालक नवदुर्गा गाउँपालिका–१ का २४ वर्षीय सागर सिजापति र सोही स्थानका २१ वर्षीय डार्बिन रावललाई पक्राउ गरेको छ ।

करिब ९० मिलिग्राम खैरो हिरोइनसहित दुबै जनालाई पक्राउ गरेको प्रहरीले जनाएको छ । पक्राउ परेका दुबै जनालाई जिल्ला प्रहरी कार्यालय डडेल्धुराले नियन्त्रणमा लिएर प्रहरी हिरासतमा राखेर थप अनुसन्धान अघि बढाएको छ ।