अत्तरिया: कैलालीको गोदावरी नगरपालिकाले प्रमाण बिना नै २ करोड ६५ लाख ७७ हजार भुक्तानी दिएको पाइएको छ ।
नगरपालिकाले आर्थिक वर्ष २०८०/८१ मा भुक्तानी दिन आवश्यक पर्ने कागजात अर्थात कुनै प्रमाण बिना नै सो रकम भुक्तानी गरेको पाइएको हो ।
नगरपालिकाले नियमित गर्नुपर्ने एक करोड ८३ लाख ७६ हजार र पेश्की बाकी २४ लाख देखिएको छ । गोदावरी नगरपालिकाको बेरूजु अघिल्लो आर्थिक वर्ष २०७९/८० को तुलनामा आर्थिक वर्ष २०८०/८१ मा बढेको छ ।
२०७९ मा ४९ करोड २९ लाख ७ हजार बेरूजु देखिएकोमा यस्तो बेरूजु २०८० सम्म आइपुग्दा बढेर ५४ करोड ३७ लाख ८१ हजार नाघेको छ ।
आर्थिक कार्यविधि तथा वित्तीय उत्तदायित्व ऐन अनुसार काम हनुपर्नेमा त्यो हुन नसकेको महालेखा परीक्षकको प्रतिवेदनले देखाएको छ । नगरपालिकाको बेरूजु बर्सेनि घट्दै जानुपर्नेमा बढ्दै गएको पाइएको छ ।
प्रतिक्रिया दिनुहोस