अत्तरिया: कैलालीको गोदावरीमा ५२ वटा स्कुल बसहरूमा कालो ब्यानर टाँसेर विद्यालय शिक्षा विधेयकको विरोध गरिएको छ । गोदावरी नगरभित्र सञ्चालित निजी विद्यालय सञ्चालकहरूले सडकमा खाली बसहरू निकालेर विद्यालय शिक्षा विधेयकको विरोध गरेका हुन ।
विद्यालय शिक्षा विधेयकविरुद्ध आज संयुक्त रूपमा विरोध प्रदर्शन गरिएको हो । प्रदर्शनमा निजी विद्यालय संगठनको सहभागिता थियो । विरोध र्यालीमा सहभागी निजी विद्यालय सञ्चालकहरूले विद्यालय शिक्षा विधेयकका केही प्रावधानले निजी विद्यालयको अस्तित्वमै संकट ल्याउने दाबी गरेका छन् ।
विशेषगरी निजी विद्यालयलाई क्रमशः गैरनाफामूलक बनाउनुपर्ने प्रावधान र नयाँ छात्रवृत्ति व्यवस्थाप्रति असन्तुष्टि जनाएका छन् । विद्यालय सञ्चालकहरूले हाल अभ्यासमा रहेको छात्रवृत्ति प्रणाली नै यथावत राख्नुपर्ने र निजी विद्यालयलाई गैरनाफामूलक बनाउने प्रावधान तत्काल हटाउनुपर्ने माग गरेका छन् ।
उनीहरूले विधेयक जसरी पारित भएको छ, त्यसरी नै लागू भएमा धेरै निजी विद्यालयको अस्तित्व संकटमा पर्ने र विद्यार्थीको भविष्य प्रभावित हुने चेतावनी दिएका छन् ।
प्रतिक्रिया दिनुहोस