कैलाली कारागारका एक कैदीबन्दीको मृत्यु 

धनगढी: कैलाली कारागारका एक कैदीबन्दीको मृत्यु भएको छ । जबरजस्तीकरणी मुद्दामा पुर्पक्षमा रहेका टीकापुर नगरपालिका-४ का ५६ वर्षीय रामकिसन चौधरीको सोमबार दिउँसो मृत्युु भएको हो ।

कारागारका जेलर प्रकाश ढुंगानाले रिंगटा लागेको भनेपछि चौधरीलाई उपचारका लागि दिउँसो साढे २ बजेतिर सेती प्रादेशिक अस्पताल लगिएको बताए ।

अस्पताल पुगाएको केहीबेरमा चिकित्सकले चौधरीलाई मृत घोषणा गरेको उनले बताए । थप विषय शव परीक्षणपछि खुल्ने बताइएको छ ।