अत्तरिया: कैलालीको धनगढीबाट १४ लाख बढी मूल्यका अवैध मोबाइल पार्ट्स र हार्डवेयरका सामान सशस्त्र प्रहरी बलले बरामद गरेको छ। धनगढी उपमहानगरपालिका वडा नम्बर १० सिमलघाटबाट सशस्त्र प्रहरी बलले उक्त मूल्य बराबरका अवैध मोबाइल पार्ट्स र हार्डवेयरका सामान बरामद गरेको हो।
सशस्त्र प्रहरी बल बोर्डर आउटपोस्ट जुगेडाबाट सशस्त्र प्रहरी प्रहरी नायब निरीक्षक भुवनबहादुर विश्वकर्माको कमाण्डमा खटिएको १४ जना सशस्त्र प्रहरीको टोलीले १४ लाख ६२ हजार ८९६ मूल्यका अवैध मोबाइल पार्ट्स र हार्डवेयरका सामान बरामद गरेको हो।
सशस्त्र प्रहरी बलले अवैध मोबाइल पार्ट्स हार्डवेयरका सामान र गोरुगाडासमेत नियन्त्रणमा लिएर आवश्यक कारवाहीका लागि भन्सार कार्यालय धनगढी चलान गरेको छ।
प्रतिक्रिया दिनुहोस