अछाम: अछाममा तीनदिनदेखि बेपत्ता दुई किशोरी मृत अवस्थामा फेला परेका छन्। जिल्लाको तुर्माखाँद गाउँपालिका-६ मा दुई किशोरी बिहीबार मृत अवस्थामा फेला परेका हुन्।
अछामका प्रमुख जिल्ला अधिकारी आनन्द सारुले दुई जना किशोरी मृत फेला परेको बताए। घटनाबारे जानकारी पाउनसाथ प्रहरी निरीक्षकको टोली घटनास्थलतर्फ गएको प्रजिअ सारुले बताए।
तुर्माखाँद गाउँपालिकाका अध्यक्ष डम्बरबहादुर बिसीका अनुसार वडा नम्बर ६ का दुई किशोरी घरदेखि झन्डै ५र७ सय मिटरको दूरीमा मृत फेला परेका हुन्। उनले भने, ‘दुवै जना किशोरी १७ गतेदेखि सम्पर्कविहीन थिए। घरका आफन्तहरूले खोजी गर्ने क्रममा आज बिहान घरदेखि केही दूरीमा रहेको वनमा मृत फेला परेका हुन्।’
अध्यक्ष बिसीका अनुसार मृत फेला पर्नेमा एक जना १५ वर्ष र अर्की १३ वर्षकी किशोरी हुन्। १६ वर्षकी किशोरी विवाहित हुन्। उनको परिवारका अन्य सदस्यहरू रोजगारीका लागि भारतमा छन्। उनी पनि एक महिना अघि मात्रै घर फर्किएकी थिइन्।
प्रतिक्रिया दिनुहोस