खोलामा बगेर डडेल्धुरामा एक जनाको मृत्यु 

डडेल्धुरा: खोलामा बगेर डडेल्धुरामा एक जनाको मृत्यु भएको छ। जिल्लाको आलिताल गाउँपालिका–३ नवलपुरका ५४ वर्षीय ईश्वर बुढामगरको रङ्गुन खोलामा बगेर मृत्यु भएको हो।

भदौ १८ गते बुधबार राति घरबाट निस्केका उनी हराएपछि परिवारले खोजी गरेको थियो। शुक्रवार साँझ परशुराम नगरपालिका–१२ तुलाभाडीस्थित रङ्गुन खोलाको किनारमा उनको शव फेला परेको डडेल्धुरा प्रहरीले बताएको छ।