बझाङ घर भएका युवकले गुमाए जेन–जी आन्दोलनमा ज्यान 

काठमाडौँ: बझाङ घर भएका एक युवकले जेन–जी आन्दोलनमा ज्यान गुमाएका छन्।

बानेश्वरमा भएको जेनजी पुस्ताको आन्दोलनमा प्रहरीको गोली लागेर घाइते भएका बझाङको खप्तडछान्ना गाउँपालिका–७ गोर्खाली घर भएका  सुवास बोहराको मृत्यु भएको हो।

उपचारको क्रममा उनको निधन भएको हो। बोहराले कैलाली मल्टिपल क्याम्पसमा कानून विषयमा दोस्रो सेमेस्टरसम्म अध्ययन गरेका थिए। त्यसपछि उनले पढाइ छाडेर काठमाडौँ गएका थिए। यससँगै आन्दोलनमा ज्यान गुमाउनेको संख्या १९ पुगेको छ।