धनगढी: जेन-जी आन्दोलनको गलत फाइदा उठाउदै अधिकांश विभिन्न कारागारबाट फरार भए। २०८२ भदौ २४ गते सडकमा आन्दोलन चर्किरहेको मौका छोपी सुदूरपश्चिमका विभिन्न कारागारबाट मात्र १४ सय ५८ को संख्यामा कैदीबन्दीहरु फरार भएका हुन।
यहाँका विभिन्न कारागारबाट भागेका कैदीबन्दीहरुमध्ये सोमबारसम्म ६०८ जना कैदीबन्दी पुनः जेल फर्किएका छन्। जेन–जी आन्दोलनपछिको प्रदर्शनका क्रममा बाजुरा र अछाम बाहेकका ७ जिल्ला कारागारहरुबाट १४ सय ५८ कैदीबन्दी फरार भएका थिए।
सुदूरपश्चिम प्रदेश प्रहरी कार्यालयका वरिष्ठ प्रहरी उपरीक्षक प्रकाश रानाभाटका अनुसार फर्किएकामध्ये कतिपय आफैं र कतिपयलाई नियन्त्रणमा लिएर फर्काइएको हो। भागेकामध्ये अझै ८५० जना फर्काउन बाँकी छ।
सम्बन्धित जिल्ला कारागार कार्यालयहरूले सार्वजनिक सूचना जारी गर्दै कैदीबन्दीलाई सम्पर्कमा आउन आग्रह गरेका छन्। साथै फरारहरूको खोजीका लागि प्रहरी टोलीसमेत परिचालन गरिएको प्रहरीले जनाएको छ।जिल्ला कारागार कञ्चनपुर र कैलालीबाट सो दिन पुरै जेलखाना नै रित्तो हुने गरि कैदीबन्दीहरू भागेका थिए।
प्रतिक्रिया दिनुहोस