बैतडी: अरिङ्गालको टोकाइबाट बैतडीमा एक युवकको ज्यान गएको छ। जिल्लाको शिवनाथ गाउँपालिका–५ बिनपत्या घर भएका ४० बर्षीय लक्ष्मण दयालको अरिङ्गालको टोकाइबाट ज्यान गएको उनका आफन्त सुरतकुमार पार्कीले बताए।
मकैको थुप्रो बनाउने काठ काट्न गएका बेला दयाललाई गएको भदौ २२ गते अरिङ्गालले टोकेको थियो। काठ काट्ने क्रममा दयाललाई अरिङ्गालले टोकेपछि उनी गम्भीर घाइते भएका थिए।
भदौ २३ गते उनलाई उपचारका लागि सेती प्रादेशिक अस्पताल धनगढी पुर्याएको थियो। अस्पतालमा उपचार सम्भव नभएपछि भदौ २७ गते उनलाई अस्पतालमा घर ल्याइएको पार्कीले बताए।
अरिङ्गालको टोकाइबाट सिकिस्त भएका दयालको शनिबार मृत्यु भएको उनले बताए। मृतक दयालको घरमा श्रीमती, एक छोरा र एक छोरी छन्।
प्रतिक्रिया दिनुहोस