धनगढी: कैलालीको टीकापुर र लम्कीचुहाबाट लागूऔषधसहित दुई जना पक्राउ परेका छन्। टीकापुर नगरपालिका–७ सत्ती बजारबाट पदमपुर बस्ने ३० वर्षीय हिक्मत ठकुल्ला ७३० मिलिग्राम लागूऔषधसहित पक्राउ परेका छन्।
इलाका प्रहरी कार्यालय टीकापुरबाट खटिएको प्रहरी टोलीले उनलाई नियन्त्रणमा लिएको हो छ। यस्तै लम्कीचुहा नगरपालिका–६ बाकमाराबाट स्थानीय २५ वर्षीय गोबिन्द घर्ति मगरलाई प्रहरीले नियन्त्रणमा लिएको छ।
उनलाई ५४० मिलिग्राम लागूऔषधसहित प्रहरीले पक्राउ गरेको हो। उनीहरू दुवै जनालाई आवश्यक अनुसन्धानका लागि प्रहरीले नियन्त्रणमा लिएको र थप अनुसन्धान भइरहेको जिल्ला प्रहरीले जानकारी दिएको छ।
प्रतिक्रिया दिनुहोस