डडेल्धुराको एक निर्माण कम्पनी सरकारको कालोसूचीमा 

अत्तरिया: सरकारले डडेल्धुराको एक  निर्माण कम्पनीलाई कालोसूचीमा राखेको छ।

सार्वजनिक खरिद अनुगमन कार्यालयले डडेल्धुराको श्री पूर्णागिरी निर्माण सेवा अमरगढी नगरपालिका-८ को निर्माण कम्पनीलाई कालो सूचीमा राखेको हो।

कालोसूचीमा परेको कम्पनीले सार्वजनिक खरिद प्रक्रियामा भाग लिन पाउने छैन्। भागेश्वर गाउँपालिकाले सो निर्माण कम्पनीलाई कालो सूचीमा राख्न सार्वजनिक खरिद अनुगमन कार्यालयलाई लिखित पठाएको थियो।

सो निर्माण कम्पनीका सञ्चालक डम्बरबहादुर गैराल हुन। उक्त निर्माण कम्पनीलाई एक वर्ष ६ महिनाका लागि कालो सूचीमा राखिएको छ।

कार्यालयले आज एक सूचना जारी गर्दै असोज ८ गतेको निर्णय अनुसार सूचना प्रकाशित भएको मितिदेखि लागू हुने गरी कालोसूचीमा राखिएका निर्माण कम्पनीको सूची सार्वजनिक गरेको हो। 

कालोसूचीमा परेको निर्माण  कम्पनीले सार्वजनिक निकायहरूबाट कुनै पनि खरिद कारबाहीमा भाग लिन नपाउने व्यवस्था गरिएको छ।