धनगढीः कैलालीका दुई स्थानबाट ४ लाख मूल्यको अबैध सामान बरामद गरिएको छ। जिल्लाको धनगढी र टीकापुरबाट अबैध सामान बरामद गरिएको हो।
धनगढी उपमहानगरपालिका–२ सिसा पोष्ट नजिक र टीकापुर नगरपालिका–९ ठोसे बजार नजिकबाट ४ लाख ५ हजार ५६० मूल्यको सामान बरामद गरिएको प्रहरीले जनाएको छ।
भन्सार छलीको सुटपिस, साडी, रङ्गोली, धोती, बच्चाको कपडा, झालर लाइट, पाइप लाइट, प्लाष्टिक झिल्ली लगायतका सामान जिल्ला प्रहरी कार्यालय कैलाली र इलाका प्रहरी कार्यालय टीकापुरबाट खटिएको प्रहरी गस्ती टोलीले नियन्त्रणमा लिएको हो। भन्सार छलीका सामान भित्र्याउने कार्यमा संलग्न व्यक्तिलाई भने प्रहरीले पहिचान गर्न सकेको छैन।
प्रतिक्रिया दिनुहोस