अत्तरिया: कञ्चनपुरको कृष्णपुर नगरपालिकामा १२ करोडका योजना कटौती गरिएको छ। नगरप्रमुख हेमराज ओझाले १० लाखभन्दा मुनिका सबै योजना र १२ करोडका अन्य योजना कटौती गरिएको भन्दै आफ्नो सामाजिक सञ्जाल फेसबुकमा पोष्ट गरेका छन्।
संघीय सरकारबाट कृष्णपुर नगरपालिकामा चालू आर्थिक वर्ष २०८२ /८३ का लागि विनियोजित विभिन्न १२ करोडका योजनाहरु काटिएका छन्। गुलरिया र वाणी बजार नाला निर्माण अन्तर्गत ३ करोड, वडा नम्बर २ वाणी मुक्तकमैया बस्तीमा पुर्वाधार निर्माण अन्तर्गत ३ करोड, वडा नम्बर ८ मझ्गाउ र धनगढी उपमहानगरपालिका-१३ श्रीलंका जोड्ने मोहना नदीमा पक्की पुल बनाउन विनियोजन गरिएको ३ करोड बजेट कटौती भएको नगरप्रमुख ओझाले जानकारी गराएका छन्।
यस्तै कृष्णपुर नगरपालिका-१ एक्लेबिजय साल, खार खोलामा तटबन्ध निर्माण गर्न विनियोजन गरिएको ३ करोडकाे बजेट पनि कटौती गरिएको छ। साथै १० लाखभन्दा मुनिका सबै योजनाहरु कटौती भएको नगरपालिकाले जनाएको छ।
प्रतिक्रिया दिनुहोस