कञ्चनपुरबाट १२ जना जुवाडे पक्राउ 

महेन्द्रनगर: कञ्चनपुरबाट १२ जना जुवाडे पक्राउ परेका छन्। जिल्लाको भीमदत्त नगरपालिका–२ उल्टाखामस्थित लक्ष्मी चन्दको पसलमा जुवातास खेलिरहेका १२ जना जुवाडेलाई प्रहरीले नियन्त्रणमा लिएको हो।

भीमदत्त नगरपालिका–२ का २५ वर्षीय घनश्याम जोशीसहित १२ जना पक्राउ परेका छन्।उनीहरू गत राति पक्राउ परेका हुन्।

जिल्ला प्रहरी कार्यालय कञ्चनपुरबाट खटिएको टोलीले उनीहरूलाई नगद एक लाख १५ हजार ६१५ रुपैयाँ र २ बुक तासहित पक्राउ गरेको हो।