अत्तरिया: कैलालीमा एक युवकको हत्या गरिएको छ।जिल्लाको घोडाघोडी नगरपालिका–८ जरैमा २८ वर्षीय केशरबहादुर बुढाको घाँटी रेटेर हत्या गरिएको हो।
इलाका प्रहरी कार्यालय सुखडका प्रमुख, प्रहरी नायब उपरीक्षक रमेशदत्त अवस्थीका अनुसार सोही वडाका १८ वर्षीय बलबहादुर विक र १९ वर्षीय गङ्गा बुढा क्षेत्री पक्राउ परेका छन्। शुक्रबार राति खाजा खाने क्रममा भएको आपसी विवाद चर्किएपछि बुढाको हत्या भएको हो।
हत्यापछि मृतकको टाउको छिनाएर बोकी सुखडस्थित प्रतिखेत प्रहरी पोष्टमा आत्मसमर्पण गर्न जाँदै गर्दा उनीहरू पक्राउ परेका थिए।
प्रहरीले मृतक बुढाको टाउको इलाका प्रहरी कार्यालय सुखडमा राखेको छ भने शरीर घटनास्थलमै रहेको बताए। डीएसपी अवस्थीले घटनाबारे थप अनुसन्धान भइरहेको बताए।
प्रतिक्रिया दिनुहोस