बझाङ: बझाङ घर भएका एक जना युवक जापानबाट सम्पर्कविहीन भएका छन्। भोलि नेपाल आउँदै छुु भन्दै जापानबाट श्रीमतीलाई फोन गरेका बझाङका अर्जुनबाबु सुर्वणकार त्यसपछि सम्पर्कविहीन भएका हुन। जयपृथ्वी नगरपालिका–१०, बझाङका ३८ वर्षीय अर्जुन गत जेठमा मात्रै जापान गएका थिए।
असोज २१ गते राति श्रीमती चम्फा देवीलाई सम्पर्क गरी भोलिपल्ट नेपाल आउने टिकट रहेको बताएका उनी त्यसयता सम्पर्कमा छैनन्। काम गर्न जापानको टोकियो पुगेका अर्जुनले त्यहाँ पुगेपछि आफू बिरामी भएको र काम गर्न नसक्ने भन्दै नेपाल आउन परिवारलाई खर्च पठाइमागेको उनका दाइ सन्तोषले जानकारी दिए।
‘भिडियो कल गरेर म यहाँ बस्न सक्दिन। मलाई खर्च पठाइदिनुपर्यो भन्यो, सन्तोषले भने, ‘हात, खुट्टा र मुख सुन्निएजस्तो देखिन्थ्यो। त्यसपछि नेपाल आउने खर्चस्वरूप एक लाख रुपैयाँ पठाएको थिएँ।
नेपाल आउने टिकट समेत काटिसकेका अर्जुन रहस्यमय तरिकाले सम्पर्कविहिन भएपछि परिवार चिन्तामा छन्। अर्जुनको खोजीका लागि सहयोग गर्न उनले सबैमा आग्रह गरेका छन्। -कान्तिपुरबाट
प्रतिक्रिया दिनुहोस