अत्तरिया: कैलालीको गोदावरीमा एक युवकमाथि चक्कु प्रहार गरिएको छ। आइतवार राति गोदावरी नगरपालिका-४ मा रहेको शुभम होटलमा खाना खाइरहेका बेला डडेल्धुराको नवदुर्गा गाउँपालिका-२ का ३२ वर्षीय गौरव ऐरमाथि चक्कु प्रहार भएको प्रहरीले जनाएको छ।
जिल्ला प्रहरी कार्यालयका प्रवक्ता एवम् प्रहरी नायब उपरीक्षक राजकुमार सिंहलका अनुसार गौरवले होटलमा खाना खाइरहेका बेला ४/५ जनाको समूहमा प्रवेश गरेको एक समूहले उनीमाथि चक्कु प्रहार गरेको बताए।
प्रवक्ता सिंहकाअनुसार घाइते ऐरलाई थप उपचारका लागि भारत पठाइएको छ। चक्कु प्रहार गर्नेहरूको पहिचान खुलिसकेकाले खोजी भइरहेको प्रहरीले जनाएको छ।
प्रतिक्रिया दिनुहोस