कैलाली र कञ्चनपुरबाट अबैध सामान बरामद 

अत्तरिया:  कैलाली र कञ्चनपुरबाट अबैध सामान बरामद बरामद गरिएको छ । कैलालीको धनगढी उपमहानगरपालिका-३ शिसा पोष्ट नजिक र टिकापुर नगरपालिका-७ बिष्णुकान्ति चोक नजिकबाट अबैंध सामान बरामद गरिएको हो । करिब एक लाख ४५ हजार ७ सय मूल्यकाे सुर्ती, कुर्ती, कट्टु, कुर्ता सुरवाल, प्लाष्टिक झिल्ली लगायतका सामान जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले नियन्त्रणमा लिएको हाे । उता कञ्चनपुरबाट पनि अबैध सामान बरामद गरिएको  छ । जिल्लाकाे बेलौरी नगरपालिका-४ बेलौरीबाट अबैध सामान बरामद गरिएको हो । करिब  २२ हजार ९ सय मूल्यकाे सुटपिस, पर्दा, तन्ना लगायतका सामान इलाका प्रहरी कार्यालय बेलौरीबाट खटिएको प्रहरी गस्ती टोलीले जफत गरेको हो ।

-->