कैलालीमा एक पुरुषमाथि आक्रमण गर्ने दुई युवक फरार 

धनगढी: कैलालीमा एक पुरुषमाथि आक्रमण गर्ने दुई युवक फरार भएका छन्। जिल्लाको गौरीगंगा नगरपालिका–१ चनौरामा २२ वर्षीय काँसीराम साउँद, २० वर्षीय नरेश जोशी र ४० वर्षीय लालबहादुर चौधरीबिच सामान्य विवाद भएको थियो।

सोही क्रममा साउँद र जोशीले चौधरीलाई कुटपिट गरेको प्रहरीले जनाएको छ। कुटपिटबाट घाइते चौधरीको धनगढीस्थित केजी अस्पतालमा उपचार भइरहेको छ। कुटपिटमा संलग्न युवक भने फरार रहेको इलाका प्रहरी कार्यालय चौमालाले जनाएको छ।