कञ्चनपुरमा हात्तीको आक्रणबाट एक महिलाको मृत्यु 

महेन्द्रनगर: कञ्चनपुरमा हात्तीको आक्रणबाट एक महिलाको मृत्यु भएको छ। जिल्लाको भीमदत्त नगरपालिका-१४ वनकट्टीमा हात्तीको आक्रमणबाट एक महिलाको मृत्यु भएको हो।

आक्रमणबाट ४५ वर्षीया धना विष्टको मृत्यु भएको प्रहरीले जनाएको छ। सोमबार राति शुक्लाफाँटा राष्ट्रिय निकुञ्जबाट आएको हात्तीले घरको भित्ता फोड्दा भाग्ने क्रममा विष्टमाथि आक्रमण गरेको थियो। अन्यले भने भागेर ज्यान जोगाएको जिल्ला प्रहरी कार्यालय कञ्चनपुरका डीएसपी सागर बोहराले बताए।