धनगढीः कैलालीको धनगढीमा एमाले नेता महेश बस्नेत पुग्दा प्रदर्शनमा उत्रिएका युवाहरुमाथि युवा संघले आक्रमण गर्दा धकेलाधकेलमा लडेर घाइते भएकी धनगढी उपमहानगरपालिका-४ की सरिता जोशीको हात भाँचिएको छ।
जोशीको देब्रे हातको हड्डी भाँचिएको छ। त्यस्तै बविता जोशी र गोपाल बोहरा पनि घाइते भएका छन्। घाइतेको निसर्ग अस्पतालमा उपचार भइरहेको छ। बस्नेतको विरोधमा प्रदर्शन गरिरहेका जेन-जी युवामाथि आक्रमण भएपछि तनाव भएको थियो।
आफुहरुले शान्तिपूर्ण आन्दोलन गर्दा पनि आक्रमण भएको भन्दै घटनाको छनबिन गर्न माग गर्दै युवाहरु उजुरीसहित जिल्ला प्रशासन कार्यालयमा पुगेका थिए।
प्रतिक्रिया दिनुहोस