अत्तरिया: सुदूरपश्चिम प्रदेशका रविन्द्र ढाँट इतिहास रच्न सफल भएका छन् । बझाङ घर भएका रविन्द्रले पहिलो पटक म्याट्रिक्स फाइट नाइटको उपाधि जितेर इतिहास रच्न सफल भएका हुन् ।
एमएमए फाइटर रविन्द्रले साविक विजेता चोङ्गरेन्ग कोरेनलाई पराजित गर्दै उपाधि हात पारेका हुन् । भारतको नोएडामा शनिवार भएको बान्टमवेट श्रेणीमा भएको उक्त भिडन्तमा ढाँटले तेस्रो राउन्डमै कोरेनलाई नकआउट गर्दै एमएफएन बेल्ट आफ्नो पोल्टामा पार्न सफल भएका छन् ।
ढाँटको यो व्यावसायिक करिअरको नवौँ खेल हो जहाँ उनले आठ खेल जितेका छन् । उनले यो उपाधि प्रशिक्षक तथा मेन्टर दिविज पिया लामालाई समर्पण गरेका छन्। दिविज नेपाली एमएमएको अग्रणी व्यक्तित्व हुन् । उनी नेपाल वारियर्स च्याम्पियनशिपका संस्थापक पनि हुन् ।
प्रतिक्रिया दिनुहोस