धनगढी: सुदूरपश्चिम प्रदेशको बजेटमा १०६ किलोमिटर सडक कालोपत्र भएको दाबी गरिएको छ । यो एक बर्षको अवधिमा प्रदेश सरकारबाट १०६ किमि सडक कालोपत्र भएको विवरण सार्वजनिक गरिएको छ ।
सो अवधिमा १०३ किमी ग्राभेल र १४६ किमी कच्ची सडक गरेर कुल ३५५ किमी सडक निर्माण भएको आज धनगढीमा आयोजना गरिएको पत्रकार सम्मेलनमा मुख्यमन्त्री कमलबहादुर शाहले बताए ।
यस्तै सो अवधिमा भूमिगत र नयाँ प्रविधिमा आधारित सिंचाई प्रणालीबाट १६२८ हेक्टर जमिनमा सिंचाई सुविधा थप गरिएको र मर्मत कार्यबाट १३,९४७ हेक्टर जमिनको सिंचाई सुविधालाई पुनःस्थापना गरिएको दाबी समेत गरिएको छ ।
यसका साथै बाढीबाट बस्ती तथा खेतियोग्य भूमि जोगाउन यस बर्ष २७ किमी तटबन्ध निर्माण र २७ हेक्टर जग्गा नदी उकासबाट प्राप्त भएको छ । खानेपानीका ८४१ इन्टेक जडान, ५१६ पोखरी निर्माण, २,१३३ किमी पाइपलाईन जडान गरी ११,९३९ निजी धारा जडान सम्पन्न भएको छ ।
प्रतिक्रिया दिनुहोस