टिकटकर आचल नाथका पुराना भिडियोहरू एकाएक भाइरल 

अत्तरिया: कञ्चनपुर घर भएकी टिकटकर आचल नाथका पुराना भिडियोहरू यतिबेला एकाएक भाइरल भइरहेका छन्। यसअघि खासै भ्यु नपाएका भिडियोले पनि यतिबेला राम्रो भ्यु पाएको देखिएको छ।

टिकटकर आचल अहिले अज्ञात समुहले गरेको आक्रमणबाट गम्भीर घाइते भएर अस्पताल भर्ना छिन। उनीमाथि आक्रमण भएपछि धेरैले दु:ख जनाउँदै फेसबुक र टिकटमा यसअघि उनले अपलोड गरेका तस्बिर र भिडियो हेर्न थालेपछि पुराना भिडियोहरू भाइरल भइरहेका हुन।

कञ्चनपुरको कृष्णपुर नगरपालिका–२ बाणि घर भएकी टिकटकर नाथमाथि अज्ञात समुहले आक्रमण गरेको छ। हाल काठमाडौं बस्दै आएकी कलाकारसमेत रहेकी नाथमाथि पेट्रोल छर्की आगो लगाई ज्यान मार्ने प्रयास गरिएको हो।

अज्ञात समूहले आगो लगाएर जलाउन खोजेपछि घाइते भएकी नाथलाई उपचारका लागि अस्पताल पुगाइएको छ। अहिले काठमाडौंस्थित केएमसी अस्पतालमा उनको उपचार भइरहेको छ।

घटनाको कारण भने खुलेको छैन। यस्तै उनको स्वास्थ्य अवस्थाबारे आधिकारिक विवरण सार्वजनिक भइसकेको छैन। केही वर्षअघि कैलालीको अत्तरियामा लागेको महोत्सवको समयमा एक जना कलाकारले मञ्चमा गित गाउँदा उनले पनि दर्शकको लाइनमा गित गाउँदै रूदै गरेको भिडियो सार्वजनिक भएपछि चर्चामा आउन थालेकी हुन।