धनगढी: सुदूरपश्चिममा यसवर्ष डेंगु संक्रमण ६२२ जनामा देखिएको छ। सन् २०२५ को सुरु अर्थात गत पुसको मध्यदेखि हालसम्म यहाँ ६२२ जनामा डेंगु संक्रमण पुष्टि भएको हो।
इपिडिमियोलोजी तथा रोग नियन्त्रण महाशाखाको पछिल्लो तथ्यांक अनुसार सुदूरपश्चिममा ६२२ जनामा संक्रमण पुष्टि भएको छ। स्वास्थ्य विज्ञहरूले वास्तविक संक्रमितको संख्या रिपोर्ट भएकाभन्दा धेरै हुन सक्ने ईडीसीडीअन्तर्गत किटजन्य शाखाका प्रमुख डा। गोकर्ण दाहालले बताए।
उनले यस वर्ष सङ्क्रमण ७५ जिल्लामा फैलिएको भए पनि कुनै एक ठाउँमा ‘हटस्पट’ जस्तो अवस्था नदेखिएको बताए। दशैं चाडपर्वको समयमा मानिसहरूको आवतजावत बढ्ने भएकाले डेंगु संक्रमण फैलिने सम्भावना रहन्छ।
चिकित्सकका अनुसार १० हजार मानिसलाई डेंगु भयो भने १ हजारमा मात्र लक्षण देखा पर्छन्। बाँकी ९ हजार मानिसमा लामखुट्टेलाई संक्रमण गर्न सक्ने क्षमता हुन सक्छ। विशेषगरी चाडपर्वको समयमा बढी सावधानी अपनाउन चिकित्सकहरूले सुझाव दिएका छन्।
प्रतिक्रिया दिनुहोस