कैलालीको धनगढीमा एक व्यवसायी मृत भेटिए 

धनगढीः कैलालीको धनगढीमा एक व्यवसायी मृत अवस्थामा फेला परेका छन्। धनगढीमा एनसिसिएस कम्प्युटर सञ्चालन गर्दै आएका नरेश धामी शिवपुरी जङ्गलमा मृत फेला परेका हुन।

उनी कात्तिक ३ गते सोमवार साँझ ७ बजेदेखि बेपत्ता भएका थिए। जिल्ला प्रहरी कार्यालय, कैलालीले उनी धनगढी उपमहानगरपालिका–४ शिवपुरी जङ्गलमा मृत फेला परेका बताएको छ। उनी जङ्गलमा मृत फेला परेका भएपनि कारण खुलेको छैन।

जिल्ला प्रहरी कार्यालय कैलालीले अनुसन्धान गरिरहेको बताएको छ। सोमवार नै काठमाडौँबाट धनगढी फर्किएका धामी साँझ कोठाबाट अकस्मात् बेपत्ता भएको बताइएको छ।