अत्तरिया: कैलाली र कञ्चनपुरबाट एक किशोरी र तीन जना युवक लागूऔषधसहित पक्राउ परेका छन्। हिजो साझ कैलालीको धनगढी उपमहानगरपालिका-५ हसनपुरबाट धनगढी-१७ का २२ वर्षीय हरी चौधरी र गोदावरी नगरपालिका-९ का ३३ वर्षीय प्रविन राना ३ ग्राम ३२० मिलिग्राम लागूऔषधसहित पक्राउ परेका हुन।
दुवै जनालाई वडा प्रहरी कार्यालय र लागुऔषध नियन्त्रण ब्युरो शाखा धनगढीबाट खटिएको संयुक्त प्रहरी टोलीले नियन्त्रणमा लिएको हो। उता कन्चनपुरको भीमदत्त नगरपालिका-४ स्थित बजारमा लागुऔषधको कारोवार भइरहेको छ भन्ने सुचनाको आधारमा भीमदत्त-१५ का २८ वर्षीय अरुण चन्दलाइ ५२ मिलिग्राम लागूऔषधसहित पक्राउ गरिएको छ।
उनलालाई जिल्ला प्रहरी कार्यालय कञ्चनपुरबाट खटिएको प्रहरी टोलीले नियन्त्रणमा लिएको हो। यस्तै भीमदत्त नगरपालिका-१८ जानकी टोलबाट सोही ठाँउ बस्ने एक किसोरीलाई पनि ५ मिलिग्राम लागूऔषधसहित पक्राउ गरिएको प्रहरीले जनाएको छ। उनको साथबाट १ ग्राम २४ मिलिग्राम चरेश समेत बरामद गरिएको बताइएको छ।
प्रतिक्रिया दिनुहोस