महेन्द्रनगर: बस दुर्घटना हुँदा कञ्चनपुरमा एक जनाको मृत्यु भएको छ। जिल्लाको कृष्णपुर नगरपालिका–२ वाणीमा ना ७ ख ६१८२ नम्बरको बस दुर्घटना हुँदा एक जनाको मृत्यु भएको हो।
बस दुर्घटनामा कृष्णपुरको बण्डका ४२ वर्षीय बलबहादुर बोहराको मृत्यु भएको छ। जिल्ला प्रहरी कार्यालय कञ्चनपुरकाका प्रहरी नायब उपरीक्षक सागर बोहराका अनुसार दुर्घटनामा घाइते भएका उनलाई उपचारका लागि वाणी अस्पतालमा पुगाइएको थियो। तर उपचारकै क्रममा बोहराको मृत्यु भएको डीएसपी बोहराले बताए।
बसमा सवार अन्य चार जना सकुसल छन् भने वेदकोट नगरपालिका–३ दैजीका ४६ वर्षीय बस चालक रमेश बोहरालाई प्रहरीले नियन्त्रणमा लिएको छ। बस काठमाडौंबाट कञ्चनपुरको महेन्द्रनगर गइरहेको थियो।
प्रतिक्रिया दिनुहोस