धनगढीः कैलालीको धनगढीबाट स्रोत नखुलेको २८ लाखसहित दुई भारतीय नागरिक पक्राउ परेका छन्। धनगढी उपमहानगरपालिका–३ मिलनचोकबाट भारतको लखिमपुर खिरी पलियाका २७ वर्षीय हरचित गुप्ता र २९ वर्षीय सागर गुप्ता पक्राउ परेका हुन। उनीहरुको साथबाट स्रोत नखुलेको २८ लाख ३४० नेपाली रुपैयाँ बरामद गरिएको जिल्ला प्रहरी कार्यालयले जनाएको छ।
दुवै जना सवार युपी ३१ सिएन ११७५ नम्बरको कार पनि बरामद गरिएको छ। जिल्ला प्रहरी कार्यालय कैलालीबाट प्रहरी नायब निरीक्षक गजेन्द्रबहादुर चन्दको कमाण्डमा खटिएको प्रहरी टोलीले स्रोत नखुलेको २८ लाखसहित भारतीय नागरिकलाई नियन्त्रणमा लिएको हो।
प्रतिक्रिया दिनुहोस