सुदूरपश्चिम घर भएका एक प्रहरी र ६ आन्दोलनकारीलाई सहिद घोषणा 

अत्तरिया: जेन-जी आन्दोलनमा ज्यान गुमाउने ४५ जनालाई सरकारले सहिद घोषणा गरेको छ। सोमबार बसेको मन्त्रिपरिषद् बैठकले सहिद घोषणाको निर्णय गरेको हो।

सहिद सूचीमा ४२ जना आन्दोलनकारी र तीन प्रहरी छन्। तीमध्ये सुदूरपश्चिम घर भएका एक प्रहरी र ६ जना आन्दोलनकारीलाई सहिद घोषणा गरिएको हो। दार्चुला घर भएका जवान उत्तम थापालाई सहिदको सूचीमा राखिएको छ। 

२३ र २४ भदौको आन्दोलनमा ७६ जनाको मृत्यु भएको थियो। जसमध्ये १० जना कैदीबन्दी छन्। कतिपयको सनाखत हुन सकेको छैन। आन्दोलनमै ज्यान गुमाएकालाई मात्र सहिद घोषणा गरिएको गृह मन्त्रालयले जनाएको छ।

गौरब जोशीः धनगढी–५ कैलाली, सुभाषकुमार बोहराः खप्तडछान्ना–७ बझाङ, ओझन बुढाः स्वामिकार्तिकखापर–२ बाजुरा, भीमराज धामी: दुर्गाथली–१ बझाङ, निरज पन्त:  दशरथचन्द–६ बैतडी, दीपकसिंह साउद:  शिवनाथ–२ बैतडी र प्रहरी जवान उत्तम थापा:  लेकाम–३ दार्चुला सहिदको सुचीमा परेका छन्।