धनगढी: जिल्ला कारागार कैलालीभित्र कुटाकुट भएको छ। कारागारभित्र लफडा भएको सूचनापछि जिल्ला प्रहरी कार्यालय, कैलालीका प्रमुख बाल नरसिंह राणाले कारागारभित्रका कैदी तथा थुनुवाहरूसँग अहिले सोधपुछ गरिरहेका छन्।
जिल्ला कारागारभित्र झगडा गर्ने व्यक्ति र कारण भने खुलेको छैन । तर, एक जनाको नाँकमा चोट लागेको छ । प्रहरी प्रमुख राणाले घटनाको विषयमा सोधपुछ गरिरहेको बताए । उनले भने, ‘लफडा भयो, म अहिले यहि छु।’ जिल्ला प्रहरी कार्यालयबाट प्रमुखसहित थप सुरक्षाकर्मी कारागार पुगेको छ। कैदीहरू नै फरक–फरक समूहमा विभाजन भएर कुटाकुटको स्थिति सृजना हुने गरेको छ ।
कैदी बन्दीहरूले कुटेका व्यक्ति जिल्ला कारागार कैलालीका नाइके रहेको खुलेको छ । जिल्ला कारागार, कैलालीभित्र कैदी बन्दीहरुले शनिवार दिउँसो कारागारका नाइके खगेन्द्र बोगटीमाथि कुटपिट गरेका हुन् ।
प्रतिक्रिया दिनुहोस