चौलानी होटल धनगढीबाट लागूऔषधसहित २ जना पक्राउ 

धनगढी: चौलानी होटल धनगढीबाट लागूऔषधसहित २ जना पक्राउ परेका छन् । धनगढी उपमहानगरपालिका-४ शहिद गेटस्थित चौलानी होटलबाट लागूऔषधसहित २ जना पक्राउ परेका हुन ।

२ सय ३० मिलिग्राम लागूऔषधसहित २ जनालाई आइतबार राति प्रहरीले पक्राउ गरेको हो । पक्राउ पर्नेमा डोटीको जोरायल गाउँपालिका-२ घर भएका २४ वर्षीय नबिन मगर र डडेलधुराको अजयमेरू गाउँपालिका-६ का २८ वर्षीय सुनिल खड्का रहेका छन् । वडा प्रहरी कार्यालय धनगढीबाट खटिएको प्रहरी टोलीले दुबै जनालाई पक्राउ गरेको हो ।