धनगढी: कैलाली जिल्ला अदातलले लक्ष्य भन्दा बढी मुद्दा फैसला गरेको छ । सो अदालतले आर्थिक २०८१र/८२ को असार ३२ गतेसम्म २ हजार ९ सय ३० वटा मुद्दा फछ्यौंट गर्ने लक्ष्य राखेकोमा ३ हजार १ सय ४६ वटा मुद्दा फछ्यौंट गर्न सफल भएको हो।
जिल्ला अदालतमा दर्ता भएका मध्ये आर्थिक वर्ष २०८१/८२ मा पछ्यौट भई १ हजार ३ सय ५ वटा मुद्दा बाँकी रहेका छन् । जसमध्ये १८ महिना भित्रका बाँकी १ हजार २ सय ४४, १८ महिनादेखि २ वर्षसम्मका ४५ र २ वर्ष नाघेका १६ मुद्दा रहेका छन् । जिल्लामा कुल मुद्दाको फैसला ७० दशमलव ६८ प्रतिशत रहेको श्रेष्तेदार एवम् उप-सचिव चेतराज पन्तले जानकारी दिए ।
आर्थिक २०८१/८२ मा कुल दर्ता भएका ४ हजार ४ सय ५१ मुद्दामध्ये सरकारवादी फौजदारी मुद्दा ३ सय १४ जिम्मेवारीसहित सरेका १ हजार ६ सय ८० थान दर्ता भएको सरकारी वकिल कार्यालयका जिल्ला न्यायाधीवक्ता भानदेव जोशीले जानकारी दिए ।
कुन न्यायाधीशले कति मुद्दा फर्छ्यौट गरे
कैलाली जिल्ला अदालतका न्यायाधीश हरिसिंह धामीले सबैभन्दा बढी ९ सय ४३ मुद्दा, न्यायाधीश प्रदीपकुमार उपाध्यायले ८ सय ५४,
न्यायाधीश दण्डपाणि लामिछानेले ७ सय ३५ र न्यायाधीश दिपेन्द्रनाथ योगीले ५ सय ९३ मुद्दा फर्छ्यौट गरेको उप-सचिव पन्तले बताए ।
यस्तै न्यायाधीश विष्णुप्रसाद अवस्थीले १२ र न्यायाधीश डल्लुराम चौधरीले ९ मुद्दा फर्छ्यौट गरेका हुन् । न्यायाधीशद्वय अवस्थी र चौधरी आर्थिक वर्षको सुरुवातीमै सरुवा भएर गएका थिए ।
प्रतिक्रिया दिनुहोस