अत्तरिया: कैलालीमा एक पालिकाका नगर प्रमुखकै स्वकीयबाट ‘हाकिम’ कुटिएका छन् । जिल्लाको गौरीगंगा नगरपालिकाका नगर प्रमुख देवीदत्त कडेलका स्वकीय सचिव उमेश जोशीले ‘हाकिम’लाई कुटेका हुन ।
गौरीगंगा नगरपालिकाका प्रमुख प्रशासकीय अधिकृत धर्मानन्द जोशीलाई नगरप्रमुख कडेलका सहयोगी उमेशले कुटेको प्रहरीले बताएको छ ।
जिल्ला प्रहरी कार्यालय, कैलालीका प्रवक्ता राजकुमार सिंहले नगरप्रमुख कडेलका सहयोगी उमेश जोशीले प्रमुख प्रशासकीय अधिकृत धर्मानन्द जोशीमाथि हातपात गरेकाे बताएका हुन । तर, प्रमुख प्रशासकीय अधिकृत जोशीले भने प्रहरीमा निवेदन दिएका छैनन् ।
इलाका प्रहरी कार्यालय, चौमालाको टोलीले बिहिवार दिनभर प्रमुख प्रशासकीय अधिकृत जोशीको सुरक्षा गरेको छ । कुटपिट गर्नुको कारण भने खुलेको छैन ।
प्रतिक्रिया दिनुहोस