श्रीमानको हँसिया प्रहारबाट डडेल्धुरामा श्रीमतीको मृत्यु 

डडेल्धुरा: श्रीमानको हँसिया प्रहारबाट डडेल्धुरामा श्रीमतीको मृत्यु भएको छ । जिल्लाको गन्यापधुरा गाउँपालिका–३ डिलका ५४ वर्षीय करन भुलले आफ्नै श्रीमतीको हत्या गरेका हुन् ।

उनको हँसिया प्रहारबाट ४० वर्षीया खिमादेवी भुलको मृत्यु भएको हो । त्यसपछि डडेल्धुरा प्रहरीले करनलाई शुक्रवार बिहान पक्राउ गरेको छ । उनले बिहिवार राति श्रीमतीको हँसिया प्रहार गरेर हत्या गरेको  खुलेको छ ।