कैलालीमा एक शिक्षकको मृत्यु, तीन जना पक्राउ 

धनगढीः कैलालीमा एक शिक्षकको मृत्यु भएको छ ।जिल्लाको जानकी गाउँपालिका–४ को जनता नमुना माध्यमिक विद्यालयका ४५ वर्षीय शिक्षक जगदीश पन्तको मृत्यु भएको हो ।

इलाका प्रहरी कार्यालय टीकापुरका प्रमुख प्रहरी नायब उपरीक्षक नविनराजा बुढाथोकीले घटना शङ्कास्पद देखिएपछि अनुसन्धानका लागि तीन जनालाई पक्राउ गरिएको बताए । पक्राउ परेका व्यक्तिको नाम भने प्रहरीले खुलाएको छैन ।

पन्त विगत १७ वर्षदेखि विद्यालयमा अङ्ग्रेजी विषय अध्यापन गराउँदै आएका थिए । बिदामा घर गएका शिक्षक पन्त साउन ३ गते नै धनगढीबाट फर्केका थिए ।