अत्तरिया: नेपाल प्रहरीका प्रहरी नायब निरीक्षक हरजीत नाथ पुर्पक्षका लागि कारागार चलान भएका छन् ।
कैलाली जिल्ला अदालतले थुनछेक बहसपछि नाथलाई पुर्पक्षका लागि कारागार चलान गरेको हाे । कैलालीका प्रमुख प्रहरी उपरीक्षक बाल नरसिंह राणाले जिल्ला अदालतको आदेशपछि नाथलाई पुर्पक्षका लागि कारागार चलान गरिएको बताए ।
बैंकिङ कसुर मुद्दामा दोषी ठहर भएका डडेल्धुराको भागेश्वर गाउँपालिका–५ का २८ वर्षीय हरिससिंह पालीको असार २ गते मृत्यु भएको थियो ।
राति कारागारको सौचालयमा लडेको अवस्थामा अचेत भेटिएका उनको उपचारका क्रममा प्रादेशिक अस्पतालमा मृत्यु भएको थियो । जेठ २९ गते डडेल्धुराबाट पक्राउ परेका पालीलाई कैलाली प्रहरीले ३० गते धनगढी ल्याएको थियो ।
पालीकी श्रीमती जानकी सावदले नाथकै योजनामा कारागारभित्र आफ्नो श्रीमानको कुटेर हत्या गरेको भन्दै किटानी जाहेरी दिएकी थिइन् । सोही जाहेरीका आधारमा प्रहरीले नाथलाई पक्राउ गरेर मुद्दा चलाएको थियो ।
प्रतिक्रिया दिनुहोस